Орша, Здарэнні

Таксі наехала на дзіцёнка (фота)

02.06.2021 11:28

5581 прагляд, 0 каментароў

У двары жылога дома таксі збіла хлопчыка

Пра гэта паведамляе ДАІ на сваёй старонцы ў сацыяльнай сетцы «УКантакце». Здарэнне адбылося ў апошні дзень вясны — 31 траўня. Легкавая Шкода адной са службаў таксі каля 18 гадзін ехала па двары дома № 52 на вуліцы Шаўчэнка. За стырном знаходзіўся кіроўца 1983 года нараджэння. 9-гадовы хлопчык выскачыў з-за іншага аўтамабіля і патрапіў пад колы таксі. Дзіцёнак з траўмамі накіраваны ў бальніцу.

Пакуль ДАІ толькі ў ашульных рысах апісвае сітуацыю, не робячы высновы пра вінаватасць кіроўцы (хаця звычайна ў такіх сітуацыях кіроўца аказваецца вінаватым) і просіць сведкаў здарэння адгукнуцца па тэлефонах 50-48-48, 50-18-90, 518-27-30 (МТС), 325-32-02 (А1) або 102.