Орша, Здарэнні

Машына збіла двух чалавек (відэа)

09.06.2021 16:38

8748 праглядаў, 0 каментароў

На скрыжаванні Чэрняхоўскага і Магілёўскай аўтамабіль збіў двух пешаходаў. Увага, утрымліваецца відэа, якое можа быць не прыемнае для некаторых катэгорыяў чытачоў

Па відэа з камераў вулічнага назірання мы можам меркаваць, што а 9-21 на рэгулюемым светлафорам скрыжаванні Чарняхоўскага і Магілёўскай на пешаходны пераход выйшлі мама з дзіцёнкам — прынамсі рост людзей і тое, што яны трымаюцца за рукі пераходзячы дарогу гаворыць нам пра тое, што гэта хутчэй за ўсё родзічы і адзін з іх дзіцёнак. Пара пешаходаў ідзе на зялёнае святло, бо ў гэты час пачынаецца рух транспарту па Чарняхоўскага. Адзін з аўтамабіляў выязжае з Чарняхоўскага, з боку былога інтэрнату і заворчвае на Магілёўскую ў бок Цэнтра.

Кіроўца чамусці не заўважыў пешаходаў і збівае іх. Першай пад машыну патрапляе дзіцёнак, які з капота машыны падае на асфальт. Другой машына збівае жанчыну. Калі дзіцёнак даволі хутка падскоквае, то жанчына так і застаецца на асфальце. Падобна, што яна жывае, але не можа падняцца самастойна. Кіроўца аўтамабіля таксама выскоквае і спрабуе дапамагчы жанчыне, але пазней усё адно давялося выклікаць хуткую дапамогу.