Рэгіён, Здарэнні

Хлопчык патрапіў пад колы (Фота)

03.07.2021 13:19

5202 прагляду, 0 каментароў

У цэнтры Талачына дзіцёнак на ровары патрапіў пад колы аўто

Пра гэта паведамляе абласное ДАІ на сваёй старонцы ў сацыяльнай сетцы «УКантакце». Само здарэнне адбылося вечарам 29 чэрвеня. 10-гадовы хлопчык пераязжаў на ровары дарогу па пешаходным пераходзе. У прынцыпе, правільна, што па пешаходным пераходзе. Але не правільна, што пераязжаў. Бо ў такіх выпадках ровар трэба весці рукамі і ісці пешкам. У гэтым ж момант праз пешаходны пераход праязжаў 50-гадовы кіроўца на легкавушцы ВАЗ.

Абодва ўдзельнікі дарожнага руху сутыкнуліся. Канешне найбольш пацярпеў хлопчык. Ён з траўмамі дастаўлены ў бальніцу. Гэта і не дзіўна: удар атрымаўся такім, што ровар адляцеў ад пешаходнага пераходу метраў на 10.