Мужчыну з цікавай біяграфіяй асудзілі ў Талачыне. Цікава ў ім тое, што за свае 54 гады ён быў асуджаны ўжо 11 разоў. Атрымліваецца, што судзілі яго ў жыцці раз на 4 з паловай гадоў і гэты прысуд стаў 12-ым. Напэўна калі б быў нейкі рэйтынг рэцыдывсітаў, то гэты персанаж быў бы адным з лідараў.
А на гэты раз судзілі яго за тое, што проста з магістральнага нафтаправода ён спрабаваў зліць 526 літраў дызелю. Праўда, адкуль рэцыдывісту, які большую частку жыцця правёў за кратамі было ведаць, што трубаправоды адсочваюцца. Толькі ён прасвярліў у трубе дзірачку, як на адмысловым пульце работнікі прадпрыемства, якому належыць труба, заўважылі падзенне ціску. Значыць нешта здарылася. У выніку разжыцца халяўным палівам ён не змог, а толькі пашкодзіў трубу. А судзілі мужчыну і за пашкоджанне трубы і за спрьу крадзяжу.
Сукупна ён быў асуджаны 3 гады калоніі строгага рэжыму - паведамляе сайт вярхоўнага суда.
