Рэгіён, Здарэнні

Амаль тыдзень без ежы і вады. Фота

17.08.2021 11:36

3612 праглядаў, 0 каментароў

Падрабязнасці гісторыі заблукаўшай пенсіянеркі проста шакуюць

Учора мы паведамлялі, што ў Сененскім раёне заблукала пенсіянерка, якую давялося шукаць у тым ліку і ратавальнікам. Валанцёрскі пашуковы атрад «Анёл» распавёў некаторыя падрабязнасці гэтай гісторыі. Ад гэтых падрабязнасцяў з’яўляецца пытанне: а такое магчыма ўвогуле???

Справа ў тым, што 72-гадовая старушка амаль тыдзень правяла ў лесе без ежы і чыстай вады.

Знікла жанчына яшчэ 9 жніўня. Яна вечарам пайшла ад родзічаў у якіх гасцявала дадому. Прайсці трэба было ўсяго каля 400 метраў, але дадому пенсіянерка так і не дайшла. З 13 жніўня жанчыну пачалі шукаць не толькі экстраныя службы, але і валанцёры пашуковага атраду «Анёл». Раніцай 15 жніўня (каля 9-00) супрацоўнікам МНС паведамілі, што бабушка можа быць дзесці каля вёскі Латыголь. Хаця было ўжо мала шанцаў, што пенсіянерка жывая. Нават малады чалавек без вады і ежы не зможа выжыць 5 дзён у экстрэмальных умовах. А тут 72 гады!!! Тым не меньш, валанцёры перакінуліся на новы ўчастак пошуку. Бліжэй да 12 гадзін дня жанчыну знайшлі. Яна ўжо проста ляжала на зямлі і не куды не ішла.

Ад смагі і голаду жанчына была знясіленая і каб аднавіць ейныя сілы, давялося шпіталізаваць бабушку ў бальніцу.