Інфармацыю аб двух лідэрах крымінальнага асяроддзя, якія зарабляюць крадзяжамі з велікагрузаў, расейская паліцыя атрымала ад беларускіх калег, паведамляе афіцыйны тэлеграм-канал УУС Віцебскага аблвыканкаму.
Устаноўлена, што толькі за год жыхары Оршы (42-х і 54-х гадоў) скралі тавараў на агульную суму звыш мільёна расейскіх рублёў (амаль 34 000 беларускіх рублёў). Зламыснікі «працавалі» на аўтастаянках і запраўках, крадучы з фураў прадукты харчавання, бытавую тэхніку і будматэрыялы.
Фігуранты мелі салідны крымінальны вопыт у гэтай сферы, за што прыцягваліся да крымінальнай адказнасці ў абедзвюх краінах. Старэйшы з іх пазіцыянаваў сябе «крымінальных аўтарытэтам».
Мужчыны арыштаваныя. У дачыненні да іх у Расеі ўзбуджаная крымінальная справа за крадзеж групай асоб па папярэдняй змове. У цяперашні час правяраецца дачыненне затрыманых да здзяйснення іншых аналагічных злачынстваў, як у Расеі, так і на радзіме.
