На мінулым тыдні праваабаронцы прызналі палітвязнем яшчэ двух чалавек з нашага рэгіёна. Так, статус палітвязня атрымаў Дубровенскі актывіст Міхаіл Чамурака. Ён асуджаны на "хімію", якую ўжо пачаў адбываць у Ваўкавыску. Судом Дубровенскага раёну яго прыгаварылі на тры гады за пасты ў сацыяльных сетках, якія па меркаванні ўладаў распаўсюджвалі хлусню ў дачыненні адной дырэктаркі школы, якая была старшынём выбарчай камісіі і супрацоўніка аршанскага ДАІ.
Другі палітвязень - аршанец Дзяніс Сяргееў, якога абвінавацілі ў абразе кіраўніка інспекцыі па справах непаўнагадовых Дзмітрыя Вішнеўскага. Яго асудзілі на год і 11 месяцаў "хіміі". якія ён паехаў адбываць у Мінск.
