Так, у Оршы быў асуджаны 55-гадовы мужчына, імя якога афіцыйнымі сайтамі не называецца. Яго абвінавацілі ў абразлівым каментары ў дачыненні да міліцэйскага чыноўніка з Гродна. Суд Аршанскага раёна прыгаварыў яго да 1,5 гады хіміі і каменсацыі маральных стратаў у памеры 1.000 рублёў.
Другі тэрмін вынеслі ў Дубровенскім раёне. Мясцовы суд прыгаварыў 40-гадовага Юрыя Свіціна да хатняй хіміі. Варта ўзгадаць як разгортваліся падзеі.
Пачыналася ўсё даволі бязкрыўдна. Некалькі месяцаў таму брат Юрыя на вуліцы сутыкнуўся з мясцовым пракурорам Міхаілам Пацеевым. Асабістая спрэчка перарасла ў патасоўку. Ці была патасоўка бойкай мы цяпер не ведаем, але суд палічыў, што брат збіў пракурора і асудзіў яго да "хіміі". У гэтай справе палітычнага складніку не было. А праз некалькі дзён пасля асуджэння брата, Юрый у адной з пратэстных суполак у "Аднакласніках" напісаў каментар пра таго самага пракурора, што і стала падставай для завядзення новай справы. Ц выніку суд Дубровенскага раёна прыгаварыў Юрыя - дарэчы, былога шматразовага чэмпіёна Беларусі па адзінаборствах - да 3 гадоў хатняй хіміі, штрафу ў 2900 рублёў і кампенсацыі маральнай шкоды ў 1000 рублёў.
