Паводле планаў арганізатараў фестываль будзе праводзіцца штогадова ў кастрычніку. Кастрычнік выбраны ў сувязі з тым, што ў 2011 годзе 11 кастрычніка памёр адзін з музыкаў рок-клуба Аляксей Голікаў, вядомы як "Мэд". Сам фестываль і прысвечаны Аляксею Голікаву, адпаведна падабрана і назва фестывалю - "Планета Мэд".
У гэтым годзе фестываль адбудзецца 19 кастрычніка а 17-00 у Доме культуры Барані. Плануецца пяцігадзінны канцэрт. Сярод удзельнікаў гурты з Мінску: "Неизвестный маршрут", "ПанКрот", "Ворона", "Heavy Kids", "Небеда" і Рэчыцкі гурт "Crash".
Нагадаем, што Аляксей Голікаў ў 2011 годзе ў Віцебску патрапіў пад колы аўтамабіля, пасля чаго некалькі дзён знаходзіўся ў коме і памёр 11 кастрычніка 2011 года. Пахаваны на Зайцаўскіх могілках.
