Справа пачалася яшчэ ў 90-х калі 8 чалавек стварылі банду і кашмарылі мясцовы бізнэс. Адзін з удзельнікаў працаваў у падатковай інспекцыі і меў доступ да базы дадзеных паспяховых прадпрымальнікаў рэгіёну. На рахунку крымінальнікаў разбоі, забойствы і г.д.

выйсці на бандытаў атрымалася дастаткова выпадкова. Схапіўшы аднаго прадпрымальніка (для гэтага яны збілі яго на аўтамабілі, калі прадпрымальнік рухаўся на ровары) яны завезлі яго на могілкі дзе пачалі катаваць: збівалі, рэзалі ножыкам. Калі ж яны прыгразілі сваёй ахвяры адрэзаць яму палец, той пагадзіўся на ўмовы злачынцаў аддаць грошы.

Чатыры падзельнікі паехалі да жонкі бізнэсоўцы, двое былі ў міліцэйскай форме. Але ў пад’ездзе куды прыехала кампанія, за некаторы час да таго адбылася бойка на якую выклікалі міліцыю. І каля пад’езда фальшывыя міліцыянты і рэальныя сутыкнуліся. Некаторы час ліпавыя міліцыянты рабілі выгляд, што дапамагаюць затрымаць удзельнікаў бойкі, але спужаўшыся раскрыцця, проста пастралялі міліцыянтаў.

Міліцыянты атрымалі раненні, але выжылі. Затое такое здарэнне дапамагло выйсці на ўсю банду. Адзін з бандытаў застрэліўся, аднаго застрэлілі пры затрыманні, астатнія былі затрыманыя. Толькі адзін удзельнік змог схавацца ў Расеі дзе і знаходзіўся амаль 20 гадоў.

Цяпер і яму прад’яўлена абвінавачанне па чатырох артыкулах сярод якіх: разбой. забойства, бандытызм, пакушэнне на супрацоўнікаў міліцыі.

На фота рэчавыя доказы з матэр’ялаў справы, заведзенай яшчэ ў 90-я.