2 студзеня затапіла аўтамабільны мост цераз раку Ардышоўка ў Лёзненскім раёне, паведамілі ў прэс-службе МНС.
Нізкаводны жалезабэтонны мост знаходзіцца непадалёк ад вёскі Кучыншчына. Разам з мастом падтоплены ўчастак дарогі працягласцю 10 метраў, а максімальны ўзровень вады дасягае ўжо 35 сантыметраў.
Гэты мост у Лёзненскім раёне падтапляецца рэгулярна, але звычайна вясной. Упершыню яго затапіла ў студзені. Ратавальнікі кажуць, што затапленне аўтамабільнага маста не парушыла забеспячэнне мясцовага насельніцтва.
