Гаворка ідзе пра забойства, якое ўчыніла 57-гадовая жыхарка Барані 27 траўня мінулага года. Тады жанчына, як палічыла следства, яна была на той момант выпіўшая, забіла 60-гадовага мужчыну. Пры чым, забойства было вельмі жорсткім, бо агулам яна нанесла ахвяры 385 траўмуючых уздзеянняў рознай ступені цяжкасці. Была не толькі рукам і нагамі, але рознымі прадметамі сярод якіх следчыя знайшлі: посуд, аскепкі ад посуду і нават металічнае палатно ад пілы-нажоўкі.
Жанчына на судзе спрабавала даказаць, што не хацела забіваць пацярпелага і была цвярозая. А свае дзеянні растлумачыла самаабаронай. Тым не менш, суд не паверыў, што можна самаабараняцца на працягу 385 удараў.
У выніку жанчыну прызналі вінаватай і асудзілі яе на 18 гадоў. Улічваючы ўзрост жанчыны, такі вырак можна лічыць ледзь не пажыццёвым.
