Дзве цікавыя гісторыі пра маніпуляцыі з банкаўскімі картамі ў Оршы апублікаваў тэлеграм-канал "Цифровая грамотность". Адна з іх распавядае пра аршанку ў якой з карты было спісана 700 рублёў. Як высветлілася, з карты гэтыя грошы ніхто не зняў, а аплаціў гэтымі грашыма нейкія паслугі ў сацыяльнай-сетцы Цік-ток. Пакуль міліцыя не высветліла хто гэта зрабіў.
Другі выпадак больш арыгінальны. Дырэктар адной фірмы заўважыў, што са службой карты знікла 4.000 рублёў. Пры гэтым, фірма не рабіла выдаткаў на такую суму, прынамсі, сам дырэктар на гэта распараджэння не даваў. Праўда .картай акрамя яго карысталася яшчэ некалькі давераных супрацоўнікаў. Карпаратыўныя разборкі паказалі, што ніхто з супрацоўнікаў таксама не траціў такія грошы.
Можна было б падумаць, што нейкая памылка, або ўвогуле містыка. Але калі разабраліся куды пайшлі грошы, то выявіўся і падазраваны. За 4.000 рублёў нехта купіў даспехі і зброю для свайго героя ў онлайн гульні. Вось тады і стала зразумела, што картка патрапіла ў рукі ўнуку аднаго з супрацоўнікаў. Ён не стаў адразу пералічваць грошы, а сфатаграфаваў карту і скарыстаўся ейнымі рэквізітамі праз некаторы час.
