Суб’екты здарэння было тры: жанчына О., яе сёняшні бой-фрэнд В. і сам абвінавачаны хлопец К. Жанчына патлумачыла, што паміж Ёй і новым хлопцам В. з аднаго боку і К. склаліся непрыязныя адносіны. Гэта ўсё нагадвае класічны любоўны трохкутнік, але пастанова суда дае мала інфармацыі, каб гаварыць пра гэта ўпэўнена. Звычайная непрыязнь дайшла да таго, што К. пачаў пагражаць О., а пагражаў тым, што абмажа ейныя дзверы чым-небудзь.
Пагрозы дайшлі да справы. У адзін з дзён мужчына зайшоў у пад’езд дзе пражывала жанчына і праз некаторы час яна пабачыла, што дзверы еёныя выпэцканыя... маянэзам!
У судзе не змаглі паказаць, як канкрэтна К. пэцкаў чужыя дзверы. Але па камерах відэа-назірання бачна, што спачатку ён зайшоў у пад’езд з сябрам, а потым выйшаў і аб снег (справа была яшчэ зімой) выціраў рукі. Гэтага і хапіла, каб прызнаць, што менавіта К. і зрабіў хуліганскую выхадку. За гэта К. і пакаралі невялікім штрафам у 3 базавыя вельчыні — 111 рублёў.
