Не дарма народная прымаўка гаворыць: "Милые бранятся только тешаться". Канешне, не рэдка сямейныя сваркі (як і сваркі паміж не распісанымі сужыцелямі) даходзяць да непрыемнасцяў ды і ўвогуле можна гаварыць пра цэлую з'яву як сямейны гвалт. Але бывае, што канфлікты якія становяцца публічнымі выглядаюць дастаткова міла. Хаця, канешне, нікому не пажадаеш быць на месцы ўдзельнікаў канфлікта.

На днях у публічнай прасторы з'явілася пастанова суда Горацкага раёна пра адну з такіх амаль сямейных сварак. Мужчына і жанчына, якія пражываюць разам учынілі сварку прама каля крамы дзе, верагодна, нядаўна і пабывалі. Пры сварцы ў мужчыны ў раках быў пакет з прадуктамі. І калі аргуманты ды цярпенне мужчыны скончыліся, ён прымяніў пакет, ударыўшы ім жанчыну. З судовай пастановы вынікае, што абодва бакі канфлікта былі цвярозымі. Тым не меньш жанчыну прызналі пацярпелай і за ўдар яе пакетам мужчына атрымаў штраф у дзве базавыя велічыні.

Яшчэ больш арыгінальнае фізічнае ўздзеянне ў выніку сямейнай спрэчкі адбылося ў суседнім Талачынскім раёне. Тут таксама ўсё пачалося з бытавой спрэчкі, хаця мужчына паводле суда быў выпіўшы. Пачалося са спрэчкі, а скончылася тым, што мужчына прымяніў да жанчыны... мухабойку! Гэтым рэдкім сёння прадметам ён ударыў сваю сужыцельніцу "у вобласць твару" і атрымаў за такое ўдзеянне 10 базавых велічыняў штрафу.