Вясной сабакі становяцца трохі больш агрэсіўнымі, асабліва калі гаспадары не даглядзелі свайго любімца. І за паводзіны сабакаў караюць іхных гаспадароў. Нам стала вядома пра некалькі судоў у нашым рэгіёне па такіх справах. Так, напрыканцы сакавіка ў прыватным сектары Оршы сабака без намордніка і ашыйніка бегала па дваравой тэрыторыі і сустрэлася з суседскім пеўнем. Канешне пры такой сустрэчы чатырохлапы ўзгадаў, што ён ад прыроды драпежнік. Певень, здаецца, нічога не паспеў узгадаць - для яго жыцця гэтая сустрэча стала ракавой. Жыццё птушкі ацанілі ў 30 рублёў, але суд вырашыў не караць гаспадара сабакі і выпісаў толькі папярэджанне.
У другім выпадку аўчарка без намордніка і іншых патрэбных сабачых аксэсуараў укусіла маленькага той-тэр'ера. Калі вы ўзгадаеце памеры аўчаркі і той-тэр'ера, то зразумееце, што ўкус такі мог стаць для маленькага смяротным. Пашкоджанні Тойчыка ацанілі ў 115 рублёў, але, зноў жа, гаспадара аўчаркі пакаралі толькі папярэджаннем.
А ў Лёзненскім раёне сабака накінулася да суседскую авечку. Пашкоджанне аўцы ацанілі ажно ў 300 рублёў, але ж гаспадар кусакі таксама аддзелаўся папярэджаннем.
