Калі мы гаворым пра сямейны гвалт, то звычайна ўяўляем мужа-алкаголіка, які збівае жонку і мучае дзяцей. Але ж бывае і зусім па іншаму. Так, у суседніх Горках нядаўна адбыўся суд, які тычыцца падзеяў, якія адбыліся яшчэ ў верасні 2021 года. Чаму так доўга справа не даходзіла да суда? Бо ў суд падаў не пацярпелы бок, аФанд сацыяльнай абароны насельніцтва, які выплочваў бальнічны і цяпер запатрабаваў кампенсацыі гэтых грошай.
А адбылося ўсё дастаткова з банальнай сітуацыі: муж прыйшоў дадому выпіўшы. Бывае такое, што жанчыны кепска ўспрымаюць выпіўшых мужэй, так было і гэты раз. Цвярозая жанчына накінулася на п'янога мужа, учыніла яму скандал, які перарос у рукапрыкладства. Спачатку прасвісцела традыцыйная аплявуха, але гэтага падалося мала - муж жа не працверазеў. І тады яна заехала яму кулаком у вока. Працытуем дыягназ, які праз некаторы час паставілі дактары: "причинено проникающее роговично-склеральное (граница между внешней прозрачной частью и наружной плотной оболочкой) ранение правого глазного яблока с выпадением
внутриглазных оболочек, с последующим его удалением и полной потерей зрения на данный глаз".
Фактычна жанчына зрабіла сваёго мужа інвалідам. У выніку суд пастанавіў кампенсаваць крыху меньш за 300 рублёў.
Канешне, гэта не адзіны выпадак агрэсіі жанчынаў супраць мужчынаў. Прыблізна ў тыя ж дні - канец красавіка - пачатак траўня гэтага году ў Горках разглядалася яшчэ адна справа дзе жанчына пабіла мужчыну. Але бойка скончылася без сур'ёзных траўмаў і таму жанчына атрымала толькі невялікі штраф у дзве базавыя велічыні.
