Жанчына з Воршы, якая працавала галоўнай бухгалтаркай, разам з калегамі «кінула» прадпрыемства на 45 тысяч рублёў. Ім пагражае да 12 гадоў пазбаўлення волі.
У Воршы выявілі схему вываду грошай з бюджэту. Галоўбуха затрымалі за тое, што яна і іншыя работнікі «кінулі» арганізацыю на дзясяткі тысяч рублёў, паведамілі ў МУС.
«Устаноўлена, што 52-гадовая галоўны бухгалтар арганізацыі ў Воршы разам з чатырма работнікамі рэгулярна выкрадалі грашовыя сродкі. Для гэтага яны ўносілі ілжывыя звесткі ў дакументы і прысвойвалі выручку», — распавялі ў міліцыі.
У выніку махінацый саўдзельнікі скралі каля 45 тысяч рублёў. Грошы марнавалі на асабістыя патрэбы.
Распачата крымінальная справа за крадзеж шляхам злоўжывання службовымі паўнамоцтвамі ў асабліва буйным памеры. Фігурантам пагражае да 12 гадоў пазбаўлення волі.
