У міліцыі гавораць, што малады чалавек падманваў іншых падчас продажу адзення і абутку. Цяпер сілавікі ўстанаўліваюць пацярпелых ад крымінальнай дзейнасці ашуканца.
Аршанцу 24 гады. Ён стварыў у сацыяльнай сетцы старонку, праз якую прадаваў адзенне і абутак.
Малады чалавек рэгулярна браў грошы, а замовы выконваць не спяшаўся, сцвярджаюць у міліцыі. У выніку ў яго назапасіліся перад кліентамі шматлікія даўгі.
Устанавілі ўжо некалькі пацярпелых ад дзеянняў падазраванага. Пры гэтым сілавікі мяркуюць, што ахвяраў падману можа быць больш.
