Як мы пісалі раней, Бітву пад Оршай у гэтым годзе святкуюь у многім гарадах Еўропы. Дзесці святкаванні адбываюцца менавіта 8 верасня, дзесці ў выходныя пасля.
Ва Ўкраіне святкаванне адбылося днём 8 верасня. Цэнтральнай падзеяй стала ўсталяванне ў Кіева-Пячэрскай лаўры ганаровай шыльды ў гонар Гетмана Канстанціна Астрожскага, які кіраваў войскам пераможцаў. У 1530 годзе Астрожскі памёр і быў пахаваны менавіта тут, у адным з сабораў царкоўнага комплексу.
Канешне, у сёняшніх умовах свята ва Ўкраіне было дастаткова мілітарысцкім. На ім прысутнічалі беларускія добраахвотнікі з розных падраздзяленняў, якія ваююць на баку Ўкраіны і брыгада названая ў імя Канстанціна Астрожскага.
У Львове святкаванні былі больш сціплыя і іх арганізоўвала мясцовая беларуская дыяспара.
