Агулам пастанова суда складае 25 старонак, значная частка якіх - гэта спіс таго, што адзін бок прадаў другому боку. Пералічваць гэта ўсё не мае сэнсу. А калі распавядаць каротка, то пад час інвентарызацыі ў Аршанскім занальным вузле электрасувязі знайшлі недахоп грошаў. Адсутнічала 874 рублі. З гэтага пачалося разбіральніцтва, якое і скончылася крымінальнай справай.
Як высветлілася, начальнік транспартнага ўчастку гэтай арганізацыі фіктыўна купляў і фіктыўна спісваў некаторыя запчасткі. А за гэта атрымліваў 5% ад здзелак. Другім фігурантам праваў стаў спецыяліст па продажах "Белтэхніка АГРО". Журналісты іншых выданняў высветлілі і прозвішчы падсудных. Начальнік транспартнагаўчастку - Вячаслаў Арэшкевіч, ён атрымаў за атрыманне хабару 2,5 гады "хатняй хіміі", вялікі штраф, больш чым у 11000 рублёў і забарону займаць некаторыя пасады тэрмінам на 5 год. А спецыяліст па продажах, які ўпамінаецца ў судовай пастанове - Генадзь Карпаў. Ён атрымаў 1,5 гады "хатняй хіміі" і штраф у 1850 рублёў за службовы падлог.
