Ужо чацьверты суд адбыўся над ахоўнікам будаўнічай крамы, былым міліцыянтам Сяргеем Вальковічам. Судзяць яго ўсё так жа за падпіскі на старонкі, якія ўлада прызнала "Экстрэмісцкімі". У прынцыпе, паводле закона чалавек чалавек не можа безперарыўна сядзець некалькі разоў. Але такое аршанскай (і не толькі) міліцыя ўжо практыкавала. Фармальна чалавека выпускалі з камеры, выводзілі за браму ізалятара і тут жа зноў затрымлівалі. Фармальна чалавек пабываў на волі некалькі сякундаў і яго зноў накіроўваюць у суд.
Гэта ўжо чацьверты суд Сяргея. Суддзя Святлана Кузьмічонак на гэты раз дадала яму яшчэ 15 сутак. Сумарна яго тэрмін цяпер ужо складае 37 сутак арышту.
Падобная сітуацыя і ў Алены Янушэўскай. У яе на мінулым тыдні таксама адбыўся новы суд. Пры гэтым жанчыну нават не выпускалі з ІЧУ. Тая ж суддзя Святлана Кузьмічонак сама прыйшла ў ізалятар (прынамсі, у пастанове суда напісана, што ён быў выяздны), каб дадаць жанчыне яшчэ 7 сутак арышту. Гэта другі сямісуткавы арышт для жанчыны. Першы быў за "распаўсюд экстрэмісцкіх матэр'ялаў - падпікі на адпаведныя каналы. Другі (цяперашні) за "пікетаванне" - у жанчыны на старонцы "УКантакце" знайшлі выяву герба "Пагоня".
