Орша, Грамадства

Плац і стральба — патрыятычна

23.10.2023 17:33

634 прагляду, 0 каментароў

У Оршы праводзяцца грамадскія слуханні па пытанні будаўніцтва патрыятычнага цэнтра

Гарадскія ўлады абвесцілі пра ўзвядзенне гіганцкага вайскова-патрыятычнага цэнтру. Ён мусіць паўстаць у раёне завода ПАК і зойме плошчу ажно ў тры гектары. Патрыятызм тут будуць выхоўваць у школьнікаў пад эгідай аддзела адукацыі.

А патрыятызм будзе ў разуменні сёняшняй улады. На тэрыторыі цэнтра размесцяцца: плац, цір і паласа перашкодаў. То бок, тут не плануецца вывучэнне гісторыі, культуры і, тым больш, беларускай мовы, а патрытызм будзе выхоўвацца за кошт маршыравання на плацы і стральбы.

Да 25-га кастрычніка аршанцы могуць выказацца па-поваду новабудоўлі ў пісьмовым, або ў электронным выглядзе. Ліст можна даслаць на адрас выканкаму, або на электронны адрас: [email protected]