Гісторыя гэтая хутчэй камічная. Мужчына як мінімум тройчы краў гарэлку ў адной і той жа краме, пагадзіцеся, гэта або дураць, або смеласць. Хутчэй за ўсё смеласць, пра гэта гаворыць, нават, назва апошняй скрадзенай гарэлкі. Першы раз мужчына са злым намерам прыйшоў у краму "Выспа чысціны" на прашпекце Тэкстыльшчыкаў у нядзелю 5 лістапада - выходны ж! Тады ён скраў 0,7 "Сваяк Прэміюм" і аказаўся не заўважаным. Прынамсі, на месцы злачынства яго не злавілі. Гэта яму стала сігналам, што можна паўтарыць.
Адпачыўшы два дні - 7 лістапада - мужчына зноў з'явіўся ў тую ж самую краму, але ўжо раніцай. На гэты раз ён быў сціплейшым і скраў 0,5 "Бульбаш Нано". Але чаго быць сціплым, напэўна, падумаў вор, зразумеўшы, што мінулы раз скраў 0,7, а цяпер на 200 грамаў меней. Ды вырашыў кампенсаваць сваю сціпласць. Пасля абеду ён зноў ідзе ў тую ж самую "Выспу чысціні" і крадзе яшчэ адну 0,5 пад гаворачай назвай "Храбрая вадзіца". Трэці раз аказаўся для яго не шчаслівым. Па камерах мужчыну вылічылі ды на наступны дзень міліцыянты прыехалі да яго, каб падлічыць агульны літраж скрадзенага.
Агулам мужчына накраў і напіў меньш чым на 39 рублёў. Гэтыя грошы ён мусіў плаціць ды яшчэ і адседзець 5 сутак.
