09:00

+16

2 м/с

989 гПа

12:00

+21

1 м/с

989 гПа

15:00

+25

1 м/с

988 гПа

18:00

+23

2 м/с

987 гПа

21:00

+19

2 м/с

987 гПа

Рэгіён, Здарэнні

Асудзілі за патанулых

30.12.2023 15:20

471 прагляд, 0 каментароў

Скончылася гучная справа за гібель дзвюх дзяўчынак.

Завяршыўся суд над 41-гадовым жыхаром Віцебска, які ў п’яным выглядзе катаў траіх дзяцей на надзіманым матрацы па возеры. Трагедыя адбылася ўлетку ў Сенненскім раёне. У выніку дзве дзяўчынкі ўпалі з матрацу і патанулі.

Трагедыя адбылася на возеры Леванава недалёка ад вёскі Адамава. 26 жніўня на беразе возера адпачывалі дзве сям’і з Віцебску. Увечары адзін з мужчын пасадзіў на надзіманы матрац свайго 9-гадовага сына, а таксама дзвюх дачок іншай сямейна пары — 6-ці і 9-ці гадоў. Пра трагедыю наш сайт пісаў раней.

Віцяблянін стаў штурхаць матрац перад сабой, прыкладна за 110 метраў ад берага ён перавярнуўся і дзеці апынуліся ў вадзе, дзе глыбіня возера дасягала 3,2 метра. Хлопчыка выратаваў рыбак, які стаў відавочцам здарэння, а дзяўчынкі патанулі.

На судзе жыхар Віцебска сваю віну прызнаў цалкам, у зробленым шчыра раскаяўся. Абставінамі, якія змякчаюць адказнасць абвінавачанага, суд прызнаў шчырае раскаянне ва ўчыненым злачынстве і наяўнасць на ўтрыманні ў вінаватага малалетняга дзіцяці.

Абставінамі, якія абцяжарваюць адказнасць абвінавачанага, з’яўляліся ўчыненне злачынства ў дачыненні да заведама малалетніх і ўчыненне злачынства асобай, якая знаходзіцца ў стане алкагольнага ап’янення.

У выніку суд Сенненскага раёна прызнаў 41-гадовага віцябляніна вінаватым у «прычыненні смерці па неасцярожнасці дзвюм асобам».

На падставе часткі 2 артыкула 144 КК яго прыгаварылі да 4 гадоў абмежавання волі без накіравання ў папраўчую ўстанову адкрытага тыпу, паведамляе абласная пракуратура.

Вырак у законную сілу не ўступіў і можа быць абскарджаны і апратэставаны ва ўстаноўленым законам парадку.

Падпішыся на навіны!

Падпішыся на навіны Оршы і рэгіёну і будзь першым, хто даведаецца самае важнае і цікавае

Обсуждение новости: Асудзілі за патанулых

Скончылася гучная справа за гібель дзвюх дзяўчынак.

нет комментариев

станьте первым, кто начнёт обсужение

стать первым!

в соотеветсвии с действущим законодательством Республики Беларусь

комментарии могут оставлять только зарегистрированные пользователи

войти на сайт

ORSHA.EU - Оршанский региональный портал

При цитировании информации активная гиперссылка на orsha.eu обязательна. Использование материалов orsha.eu в коммерческих целях без письменного разрешения редакции не допускается

Если у Вас возникли вопросы по работе портала, есть пожелания и предложения или хотите прислать интересную новость - пишите на наш адрес электронной почты [email protected]

Пользовательское соглашение