Рыгор Кастусёў, які шмат гадоў кіраваў камунальнай гаспадаркай суседняга раёна, быў арыштаваны па справе пра дзяржаўны пераварот, які журналісты празвалі справай "Юрыста і Пушкініста". Віну сваю, ён, канешне, не прызнаў і на сёння з'яўляецца адным з самых заўважных палітвязняў краіны. Магчыма таму ўлады вырашылі ўзмацніць ціск на палітыка.
15 студзеня ў Івацэвічскай калоніі адбыўся новы суд над Рыгорам Андрэевічам, які змяніў яму меру стрымання з калоніі на турэмны рэжым. На днях стала вядома, што яго ўжо перавялі ў Гродненскую турму. Падтрымаць палітвязня лістом можна па адрасе: Турма №1, 230023, г. Гродна, вул. Кірава, 1, Рыгор Андрэевіч Кастусёў
