Беларусь, Культура

Кіно паводле Аршанца

06.02.2024 07:39

900 праглядаў, 0 каментароў

«Купалаўцы» ладзяць інтэрнэт-прэм’еру кіно паводле аршанскага аўтара

«Купалаўцы» — гэта творчая група актораў і рэжысёраў, якія пад час падзеяў 2020 года сыйшлі з Купалаўскага тэатра. Акрамя тэатральных пастановак цяпер яны працуюць і ў над кіна-праэктамі. У хуткім часы «Купалаўцы» зладзяць прэм’еру фільма па творы аршанскага аўтара. Прэм’ера стужкі адбудзецца ў Варшаве, але паглядзець яе можна будзе праз інтэрнэт-стрым.

Караткаметражны фільм «Дух месца» быў зняты рэжысёрам Паўлам Яскевічам паводле апавядання аршанскага ўраджэнца Змітра Дзядзенкі «Тры магілы Арыка Фергаса». Жанр стужкі рэжысёр вызначыў як эмбіентная камедыя. У фільме зняліся вядомыя купалаўцы Алег Гарбуз, Яўгенія Кульбачная, Сяргей Чуб, Андрэй Дробыш.

Прэзентацыя адбудзецца 11 лютага ў Варшаве а 19-й паводле менскага часу. Стрым з прэзентацыі можна будзе глядзець па гэтай спасылцы.
Па словах рэжысёра, фільм сумяшчае ў сабе рысы тэатра і кіно. Усе здымкі вяліся ў памяшканні варшаўскага бара Scena Chmielna.

Жанр самога апавядання можна вызначыць як сацыяльную фантастыку з элементамі містыкі. Дзеянне пераносіцца з нашага часу ў самыя вострыя перыяды ХХ стагоддзя — Другую сусветную вайну, рэвалюцыі 1905 і 1917 гадоў. Апавяданне можна пачытаць па гэтай спасылцы.