Аварыя адбылася ў пачатку ліпеня мінулага года. Жанчына пераходзіла дарогу па вуліцы Міра побач з бальніцай Сямашка. Дарэчы, цяпер тут пешаходнага пераходу няма. У гэты час па дарозе ехаў малады хлопец на Мрсэдэсе. Ён, аказваецца, быў жыхаром суседніх Горак. Па версіі следчых, 20-гадовы (на той момант 19-гадовы) хлопец не затармазіў перад пераходам і збіў 49-гадовую аршанку, якую тут жа даставілі ў бальнцу з траўмамі.
Толькі зараз Следчы камітэт скончыў разгляд справы і прыйшоў да высновы, што ёсць падставы накіраваць маладзёна ў суд. Ад моманту аварыі да моманту суда хлопец знаходзіцца пад падпіскай пра нявыезд.
