Небяспечную вэнджаную рыбную прадукцыю прадаваў прадпрымальнік у Воршы. Аб гэтым БелТА паведамілі ў Віцебскай абласной інспекцыі Дзяржстандарта.
Размова аб вырабленай расейскім ТАА «ПК Норд» рыбнай прадукцыі, якая не адпавядала патрабаванням Тэхнічнага рэгламенту МЗ ЕАЭС 040/2016. Выпрабаванні не прайшлі некалькі найменняў тавараў. У складзе гарбушы (балык халоднага вэнджання) выяўлена недапушчальная харчовая дабаўка — кансервант бензойнай кіслаты ў колькасці 1,11 г/кг.
Акрамя таго, пры вытворчасці харчовай рыбнай прадукцыі гарачага вэнджання нельга выкарыстоўваць падсалодвальнік сахарын. Яго ўжылі для вырабу кальмара (філе-кавалачкі на шпажцы), акуня марскога абезгалоўленага вагавага, а таксама селядца.
Дзяржстандарт забараніў увоз і абарачэнне прадукцыі на тэрыторыі Беларусі. Пракантраляванаму падчас пазапланавай праверкі суб’екту гаспадарання ў Воршы прадпісалі выключыць небяспечныя тавары з абарачэння. Дзеянне дэкларацый аб адпаведнасці, якімі суправаджалася названая прадукцыя, на тэрыторыі краіны спынена.
