Здарэнне адбылося на Сельгастэхніцы. Маленькага сабачку пачалі прывучаць да павадка яшчэ ў суботу 3 снежня. Але пёселя, які да гэтае пары бегаў вольна такая ініцыятыва гаспадароў напужала. Разам з двухметровым павадком сабака збег з двара і ці то схаваўся, ці то выпадкова праваліўся ў дзірку паміж будаўнічымі блокамі, якія ляжалі недалёка. І назад ужо са схованкі вылезці не змог.
Больш за суткі мясцовыя жыхары думалі як можна выманіць ці дастаць жывёлу. І аніводная спроба не атрымлівалася. У нядзелю вырашылі звярнуцца да прафесіяналаў, тым больш, што пажарная частка побач, у тым жа раёне. Ратавальнікі спачатку проста прыехалі разабрацца ў сітуацыі і праз некаторы час вярнуліся з адпаведным інструмантам.
Дзякуючы пажарным сабака выратаваны і вернуты гаспадарам. Здарэнне такое мілае, што прэс-служба МНС нават асобна распавяла пра яго на сваім тэлеграм-канале.
