У Воршы заведзена крымінальная справа супраць 44-гадовага мужчыны. Ён прыйшоў нецвярозы ўвечары дадому і ўключыў гучна музыку на тэлефоне.
Было ўжо позна, і дачка — вучаніца 11 класу — папрасіла бацьку выключыць музыку. Але тата не сунімаўся, паведамляе міліцэйскі тэлеграм-канал.
Тады дзяўчынка падышла і адключыла гук. Мужчына ўдарыў яе кулаком па твары і, паваліўшы на канапу, спачатку стаў душыць перадплеччам, а затым дзвюма рукамі.
На крыкі прыбегла бабуля, адцягнула бацьку і выклікала міліцыю. Цяпер яму пагражае турма за спробу забойства ўласнай дачкі.
