У Воршы новымі ахвярамі кібермахляроў сталі настаўнікі. Ва УУС Аршанскага райвыканкаму звярнуліся двое настаўнікаў мясцовых школ. З імі ў мэсэнджэры Telegram звязваўся іх «дырэктар», а дакладней нейкі карыстальнік, падпісаны імем дырэктара і з яго фатаграфіяй, узятай з адкрытых крыніц у сетцы інтэрнэт.

Падчас зносінаў «дырэктар» указваў, што з імі зараз звяжуцца прадстаўнікі праваахоўных органаў і ім трэба будзе аказаць садзейнічанне, піша абласная міліцыя са спасылкай на «АГ».

«Супрацоўнік» пераканаў дзвюх аршанак звярнуцца ў банк для афармлення крэдытаў. Як вынік, ахвяры ўзялі крэдыт на суму 76 тысяч рублёў. Пры гэтым адна з іх па ўказанні злачынцаў нават купіла новы тэлефон, бо на яе старой прыладзе ніяк не ўсталёўваўся адпраўлены ёй файл з дадаткам для аддаленага доступу.

Усе заяўкі на атрыманне крэдытаў былі ўхвалены банкамі, але тэрмін залічэння грашовых сродкаў быў перанесены на некалькі дзён. Гэта і зберагло грашовыя сродкі настаўнікаў, бо за гэты час яны зразумелі, што іх маглі падмануць і звярнуліся ў міліцыю.

Ва УУС нагадваюць, што супрацоўнікі дзяржорганаў, банкаў і аператары сувязі ніколі не маюць зносіны ў месэнджарах! Будзьце пільныя і асцярожныя!

Па дадзеных выпадках узбуджаны крымінальныя справы па факце замаху на махлярства. Адказнасць па дадзеным артыкуле прадугледжвае пакаранне ў выглядзе пазбаўлення волі на тэрмін да 10 гадоў (у залежнасці ад памеру нанесенай шкоды).