Орша, Здарэнні

Пагулялі сабе на галаву

25.05.2024 19:03

563 прагляду, 0 каментароў

Лось патрапіў пад машыну. Відэа

У гэтым годзе лясныя жыхары ў нашым рэгіёне занадта частыя госці ў населеных пунктах і на дарогах. Толькі ўчора ДАІ паведаміла, што на трасе Е95 сутыкненне з лосем стала прычынай гібелі кіроўцы машыны. А ўжо сёння ў аўтамабільных чатах Оршы з’явілася відэа збітага лася на той жа трасе, але каля Андрэеўшчыны.

На відэа, знятым камерамі вулічнага назірання, бачна, што трое ласей (відавочна сямейства) у ноч з 23 на 24-е траўня прыйшлі ў прыгарад Оршы — вёску Андрэеўшчына. Пагуляўшы па населеным пункце, жывёлы рушылі назад у лес. Але пераходзячы праз дарогу адзін з ласей патрапляе пад машыну. Пры такім удары які бачны на відэа, лось, хутчэй за ўсё, загінуў. Але машына паехала далей. Прынамсі, ДАІ нічога пра такое сутыкненне пакуль не паведамілі. Значыць, чалавек у здарэнні не пацярпеў.