Гаворка ідзе пра артыкул у якім мы распавядалі пра аварыю ў Барані ў якой пацярпеў 16-гадовы хлопец. Канешне, ад памылак ніхто не застрахаваны, але каб у адным артыкуле аказалася дзве фактычныя памылкі - такога яшчэ не бывала.
Першую памылку дапусціла прэс-служба ДАІ. У сваім паведамленні яны напісалі, што аварыя адбылася ў горадзе Барань на вуліцы Цэнтральная. У рэальнасці ж аварыя адбылася ў вёсцы Барань. Не аршанцу такую памылку дапусціць дастаткова лёгка.
Улічваючы, што гаворка ідзе пра вёску, а не горад, то становіцца больш зразумелым чаму аварыя адбылася. У горадзе на асфальтаванай дарозе складана страціць кантроль над машынай. Але ў вёсцы Барань асфальту мала, дарога складаная і ў цемры выляцець з дарогі - гэта не нешта неверагоднае.
Другую памылку дапусцілі мы. Пацярпеў у аварыі 16-гадовы пасажыр, мы ж напісалі, што 16-гадовы кіроўца. Фактычна гэта адрукоўка, але якая моцна змяняе сутнасць аварыі. Выбачаемся, калі нашая памылка каго-небудзь пакрыўдзіла.
