У Аршанскі РУУС адразу з чатырох навучальных устаноў паступіла паведамленне аб тым, што да іх праз электронную пошту накіраваны ліст ад невядомага адрасата аб мінаванні будынкаў. Інфармацыя, якая паступіла, выклікала рэагаванне экстранных службаў горада.
У выніку абследавання ўстаноў адукацыі выбуховыя прыстасаванні і выбуховыя рэчывы знойдзены не былі.
Падчас правядзення аператыўна-вышуковых мерапрыемстваў аператыўнікамі па супрацьдзеянні кіберзлачыннасці Аршанскага РУУС было ўстаноўлена, што да злачынства датычны 19-гадовы мясцовы жыхар.
Малады чалавек пасля канфлікту з дзяўчынай вырашыў ёй адпомсціць. Аршанец праз гульнявы мэсанджар арганізаваў адпраўку фальшывага паведамлення аб небяспецы ад імя сваёй знаёмай. Для гэтага на тым жа інтэрнет-рэсурсе ён знайшоў выканаўцу гэтага злачынства. У перапісцы хлопец указаў звесткі пра дзяўчыну, аб’екты «мінавання» і ўзгадніў тэкст дасланага ілжывага электроннага ліста.
