23 ліпеня ў Варшаве ўзгадаюць Уладзіміра Караткевіча. Амаль усе творы вялікага аршанца сабраныя на паліцах праекту «Вітрыны», які правядзе сустрэчу да 40-й гадавіны смерці пісьменніка. Варшаўскіх аршанцаў і наогул беларусаў запрашаюць на вечарыне па адрасе Witryna Domu Wschodniego, pl. Konstytucji 6 (prawe skrzydło).
А пакуль старонка «Вітрыны» паказала, якія кнігі пісьменніка мае. Гэта і «Ладдзя роспачы», і «Дзікае паляванне караля Стаха», і «Чорны замак Альшанскі», і «Леаніды не вернуцца да Зямлі», і «Чазенія», і «Сівая легенда».
