19 жніўня ў 3-36 з абласнога цэнтра экстранай медыцынскай дапамогі горада Віцебска паступіла паведамленне аб тым, што ў рэанімацыйнае аддзяленне абласной клінічнай лякарні з апёкамі паступіў грамадзянін 1970 года нараджэння.
З абставін здарэння было ўстаноўлена, што пацярпелы знаходзіўся ў знаёмага ў аграгарадку Зубкі Лёзненскага раёна, дапамагаючы яму з рамонтам дома. Каля 20-00 мужчына распальваў вогнішча. Для гэтых мэтаў ён выкарыстоўваў пластыкавую каністру з лёгкай на загаранне вадкасцю (бензінам).
Падчас распальвання, бензін з каністры патрапіў на адзенне, якое пасля і ўзгарэлася. Пажар ліквідавалі суседзі. Яны ж і выклікалі хуткую дапамогу. З апёкамі рознай ступені цяжкасці мужчына быў шпіталізаваны ў Віцебскую абласную клінічную бальніцу.
Падраздзяленні МНС не прыцягваліся. У выніку пажару пашкоджана адзенне, якое знаходзіцца ў момант пажару на мужчыне.
Разгляданая версія прычыны здарэння — неасцярожнае абыходжанне з агнём самім пацярпелым.
