Рэгіён, Здарэнні

Згарэла кватэра трох пакаленняў

27.08.2024 15:21

357 праглядаў, 0 каментароў

Пажар у райцэнтры суседняга раёну

Пажар, пра які пойдзе гаворка, адбыўся ў Сянно на вуліцы Назарэнка. У ратавальную службу званок з паведамленнем пра здарэнне прагучаў 26 жніўня а 14-23. Гарэла кватэра на другім паверсе паціпавярховага дома. У кватэры жылі тры пакаленні адной сям’і: маці гаспадыні кватжры 1938 года нараджэння, сама ўладальніца кватэры 1967 года і 40-гадовы сын-унук, які мае інваліднасць першай групы. Але маці і бабулі не было дома.

Калі ратавальнікі прыехалі на месца, то з вакна ўжо ва ўсю валіў дым. А 40-гадовага мужчыну знайшлі ў кватжры на падлозе без свядомасці, пасля тушэння пажару яго давялося шпіталізаваць. Хутчэй за ўсё, шпіталізаваны і стаў прычынай пажару, дакладней, яго не патушаная цыгарэта.