Супрацоўнікі БЭЗ Віцебшчыны вывелі на чыстую ваду злачынную групу. Яны атрымалі інфармацыю: 40-гадовы жыхар Лёзны разам з двума знаёмымі, 40 і 47-гадовым віцяблянамі, займаюцца незаконнай рэалізацыяй мяса за мяжу і на тэрыторыі краіны.
Пры аглядзе дома аднаго з фігурантаў аператыўнікі знайшлі тушы жывёл, субпрадукты, а таксама халадзільнае абсталяванне і спецыялізаваныя прыборы для разроблівання мяса. Ветэрынарна-санітарныя і бухгалтарскія дакументы на тавар адсутнічалі.
Усяго канфіскавана 4 тоны мяса буйной рагатай жывёлы на суму 15 тысяч рублёў, якое затым знішчана ва ўстаноўленым законам парадку.
У адносінах фігурантаў складзены адміністрацыйныя пратаколы за парушэнне патрабаванняў у галіне ветэрынарнай дзейнасці, інфармацыя накіравана ў падатковую інспекцыю для прыцягнення да адказнасці за незаконную прадпрымальніцкую дзейнасць.
