7 верасня ў 17-28 ратавальнікам паступіла паведамленне аб пажары дома па вуліцы Садовая ў вёсцы Звянячы Талачынскага раёна. Пасля прыбыцця да месца выкліку падраздзяленняў МНС назіралася адкрытае гарэнне дома і абвальванне даху.
З дазволу гаспадыні жылля ў доме пражываў яе брат 1969 года нараджэння. Падчас тушэння пажару работнікамі МНС на падлозе, у верандзе, пад пластом канструкцый, якія абваліліся, знойдзены абгарэлы труп мужчыны.
Пажар ліквідавалі ратавальнікі, агнём у доме знішчаны дах, пашкоджана перакрыцце, закураны сцены.
Па факце пажару праводзіцца праверка, прычына пажару высвятляецца. Разглядаецца версія — неасцярожнае абыходжанне з агнём пры курэнні загінулым мужчынам. Сёлета ў мужчыны быў юбілей — 55 гадоў. Выйшаў год трагічным.
