Уначы 10 верасня ў Аршанскім раёне вяліся пошукі зніклага хлопчыка, перадае Віцебскае абласное ўпраўленне МНС.
Паведамленне аб згубленым хлопчыку 2015 года нараджэння паступіла з гарадскога пасёлка Копысь. Напярэдадні дзіця не вярнулася дадому са школы. Самастойныя пошукі бацькоў і настаўнікаў аказаліся беспаспяховымі — прыцягнулі міліцыю, а тая, у сваю чаргу, ратавальнікаў.
На пошукі высунулася 21 адзінка тэхнікі (з іх 15 адзінак — машыны МНС) і 78 чалавек (з іх 47 — работнікі МНС).
Хлопчыка знайшлі раніцай наступнага дня. Аказалася, што ўвесь гэты час ён быў у гасцях у аднакласніцы.
