Тэмай размовы быў стан трох мясакамбінатаў Віцебскай вобласці: Глыбоцкага, Віцебскага і Аршанскага. Яшчэ 10 гадоў таму ўсе яны былі вельмі стратнымі: у 2014 Аршанскі зарабіў мінус 4 мільёны даляраў па таму курсу, а ў 2015 мінус 5 мільёнаў даляраў за год, у далейшыя гады статыстыку схавалі. І толькі ў мінулым годзе АМКК, здаецца, пачаў вылазіць са стратаў. Падобна, што на гэта паўплывала вайна паміж Расіяй і Украінай, многія беларускія прадпрыемствы павялічылі свае продажы за кошт паставак прадукцыі для расейскага войска. За мінулы 2021 год чысты прыбытак мясакамбінату склаў 7.297 рублёў. Што, канешне, не кампенсуе шматгадовыя страты і пазыкі прадпрыемства.
Юрый Шулейка выказаўся, што не задаволены станам мясакамбінатаў. І заявіў, што ў Оршы будзе пабудаваны новы кансервавы цэх. І адначасова заявіў, што мясакамбінаты загружаны ўсяго на 30-50%, бо не хапае мяса. То бок, новы цэх пабудуюць, але чым яго загрузіць не зразумела.
