Учорашні снег прынёс у Оршу шмат аварыяў. Але і сёння яны працягваюцца.
Для пачатку распавядзем пра адну аварыю,якая адбылася яшчэ ўчора. На дарозе з Оршы на Коханава прыблізна паміж вёскамі Белева і Клюшнікава яшчэ ўчора вечарам адбылася аварыя. Гружаны таварам грузавік выляцеў з дарогі,але з-за асаблівасці ландшафту не перакуліўся, а акуратна лёг на бок. На відэа вы можаце пабачыць як яго разгружаюць перад тым як пачаць падымаць.
А на наступную раніцу - сёння 28 лістапада - не далёка ад месца дзе яшчэ ўчора "адпачываў" грузавік з дарогі выляцела легкавушка. На павароце дарога аказалася слізкая, пра што папярэджвалі сіноптыкі, і кіроўца не справіўся з аўтамабілем, які занесла. Слізкая дарога на Аршаншчыне будзе яшчэ і пятніцу-заўтра.
