Два дні таму - 12 снежня - фільм "Чорны замак" пайшоў у пракат адначасова ў Беларусі і Расеі. Фільм зняты супольна "Беларусфільмам" і расейскімі кіношнікамі, таму і пракат распачаўся адначасова. Адрозненне ад мінулай экаранізацыі, якая адбылася, дарэчы, 40 гадоў таму, што фільм памаладзеў і актуалізаваўся. Так, галоўны герой стаў маладзейшым за героя Караткевіча і змяніў сферу дзейнасці - ён уладальнік антыкварнай крамы. Пагадзіцеся, у часы Караткевіча такое ўявіць было не магчыма.
І зноў Караткевіч даказаў сваю актуальнасць праз дзесяцігоддзі. Пакуль рана рабіць канчатковыя высновы, бо няма рэакцыі расейскай публікі. Але беларуская прэм'ера стала паспяховая - поўныя залі, прынамсі, у тых кінатэатрах па якіх мы знайшлі інфармацыю. Калі ў Расеі таксама будзе такі поспех, то можна чакаць, што "Чорны замак" стане адным з самых камерцыйна паспяховых фільмаў "Беларусфільма".
