У Сенненскі РАУС звярнуўся 50-гадовы мясцовы жыхар, які стаў ахвярай інтэрнет-аферыста. Мужчына знайшоў у Сеціве аб’яву аб продажы дарагога аўтамабіля. Цягам месяца некалькімі часткамі перавёў амаль 90 тысяч рублёў, але машыны так і не дачакаўся.
Аператыўнікі падраздзелаў у супрацьдзеянні кіберзлачыннасці Віцебскай вобласці высветлілі асобу зламысніка — 17-гадовага жыхара Кобрына. Пры сілавой падтрымцы АМАПа яго затрымалі па месцы жыхарства. Пры аглядзе кватэры знойдзены і канфіскаваны банкаўскія карты і камп’ютар.
За грошы, атрыманыя злачынным шляхам, 11-класнік набыў аўтамабіль і дарагі смартфон. Частка выкрадзенага сканфіскавана.
Следчы камітэт пачаў крымінальную справу за махлярства, здзейсненае ў асабліва буйным памеры. Фігуранту пагражае да 10 гадоў пазбаўлення волі.
