У Горках вечарам ДАІ паспрабавала спыніць старэнькі савецкі аўтамабіль, міліцыянты падалі яму сігнал, але той не спыніўся. У выніку распачалася доўгая пагоня дарогамі райцэнтра. Міліцыя паведамляе, што пад час гэтай пагоні кіроўца "Ваз" ствараў небяспеку іншым удзельнікам дарожнага руху. У выніку міліцыянты вырашылі адкрыць вагонь па аўтамабілю.
Як высветлілася, у машыне было два чалавекі. За стырном сядзеў 16-гадовы падлетак, які не меў правоў. Але ж побач быў яшчэ адзін чалавек - 24-гадовы жыхар адной з мясцовых вёсак, які і валодаў машынай. Але быў таксама без правоў.
