На вуліцы Цэнтральнай гарэў дом. Гаспадар сам спрабаваў справіцца з агнём, і пры дапамозе суседзяў яму гэта ўдалося. Аднак жытло істотна «пракапцілася», а некаторыя прадметы мэблі згарэлі або прыйшлі ў поўную непрыдатнасць.
Ачаг узгарання быў ліквідаваны да прыезду пажарных, але цяпер спецыялісты высвятляюць прычыну здарэння. Магчыма, усё адбылося з-за няспраўнасці электраправодкі або электрычнага абсталявання.
Дарэчы, ноччу 5 лютага ў Горацкім раёне здарыўся яшчэ адзін пажар. Загарэўся аўтамабіль у вёсцы Хамінічы. Адна з версій здарэння і ў гэтым выпадку – кароткае замыканне элетраправодкі. Гаспадар таксама спрабаваў выратаваць сваю маёмасць, аднак яго Fiat Ulysse быў знішчаны агнём амаль цалкам.
