Жыхар Горак Алег Шубадзёраў афіцыйна падзякаваў сышчыку Ягору Каралёву за прафесіяналізм і дапамогу ягонаму пажылому бацьку, паведамляе міліцыя Магілёўскай вобласці.
Высветлілася, што 76-гадовы пенсіянер, які мае праблемы са зрокам, жыве асобна, але сын яго часта наведвае. У адзін з прыездаў бацька паскардзіўся, што не можа знайсці адкладзеную пенсію. Пра тое, што адбылося, мужчыны заявілі ў міліцыю.
Па ўказаным адрасе неўзабаве прыбыў супрацоўнік крымінальнага вышуку Ягор Каралёў. Ён аператыўна ўстанавіў, што грошы дзядулі скраў яго знаёмы, які нярэдка заходзіў да яго ў госці. Частка выкрадзенага вернутая ўладальніку.
У адносінах да злачынцы следчыя распачалі крымінальную справу. Цяпер яго дакладна не будуць запрашаць у госці, ды і, хутчэй за ўсё, не змогуць праз пэўную «адсутнасць».
