Сядзібна-паркавы комплекс Цюндзявіцкіх -- рэшткі сядзібнага дома, рэшткі флігеля і дзвюх гаспадарчых пабудоў, фрагменты парку – з'яўляецца гісторыка-архітэктурнай каштоўнасцю 3-й катэгорыі (рэгіянальнага значэння). Гэта значыць, што дзяржава абавязана клапаціцца пра яго захоўванне. Але на знешнім абліччы сядзібы гэта аніяк не адбілася – яна ўяўляе сабой сумнае відовішча.
Годам пабудовы сядзібнага дома лічыцца 1897-мы: яго ўзвялі на загад апошняга ўладальніка гэтых земляю Міхаіла Цюндзявіцкага на месцы старога драўлянага будынка. Па адной з версій, праект стварыў сам гаспадар. Плошча будынака з тэрасай і дзвюма гаспадарчымі пабудовамі - 621 кв.м. Падмурак у ім цагляны, перакрыцці драўляныя.
Цюндзявіцкія пакінулі гэтыя мясціны ў 1917 годзе. Сядзібу выкарыстоўвалі па-рознаму: у перыяд Вялікай Айчыннай вайны яе занялі немцы, а ў 1960-х гадах тут размяшчалася спецшкола, у 1970-х – звычайная вясковая школа. Пазней практычнага прымянення будынку на знайшлося, і ен паціху стаў гібець. Між тым, ваколіцы Галошава маглі б стаць найцікавейшым аб'ектам для турыстаў. Апрача сядзібы Цюндзявіцкіх, каля вёскі ёсць курганны могільнік і старадаўні каменны крыж – таксама помнікі гісторыі і культуры.
Сядзібны будынак можна набыць за адну базавую велічыню – за 42 рублі. Ен прадаецца ўпершыню - выстаўлены на аўкцыён, які пройдзе 5 сакавіка. Заяўкі на ўдзел прымыюцца да 28 лютага.
