Аўкцыён прызначаны на заўтра, 18 лютага. На яго выстаўлены трактар “Беларус” 2007 года выпуску і механічныя колава-пальцавыя граблі. Уся гэтая маёмасць няспраўная, пра трактар нават пазначана, што яго “камплектнасць не правяралася”. Тым не менш, яго спадзяюцца прадаць за 15 600 рублёў. Механічныя граблі таксама “недакамплектныя”. Выстаўлены кошт на іх - 10 720 рублёў.
Спробы прадаць арыштаваную сельгастэхніку прадпрымаліся і летась. І аказаліся безвыніковымі. Да заўтрашняга аўкцыёну кошт трактара зніжаны амаль на 4 тысячы рублёў, кошт грабляў - амаль на 2 з паловай.
У адным з інтэрв’ю раённай газеце ў 2022 годзе кіраўніцтва КУСГП “Зарубы” скардзілася, што сельгастэхніка і запчасткі да яе вельмі дарагія, грошай на ўсё гэта не даюць і часта рамантаваць машыны спецыялістам даводзіцца ўласнымі рукамі. Цяпер справа дайшла да таго, што маёмасць гаспадаркі арыштавалі і прадаюць “з малатка”.
